ព័ត៌មានថ្មីៗ
Home / ទំព័រដើម / ចម្ងល់៖តើក្រុមហ៊ុន ​Huawei នៅមានទំនុចចិត្ត សហការជាមួយអាមេរិកទៀតឬទេ?

ចម្ងល់៖តើក្រុមហ៊ុន ​Huawei នៅមានទំនុចចិត្ត សហការជាមួយអាមេរិកទៀតឬទេ?

ក្រោយពេលប្រធានាធិបតីអាមេរិក ដូណាល់ ត្រាំ ​បានប្រកាសអនុញ្ញាតឲ្យក្រុមហ៊ុន អាមេរិក បន្តសហការរកស៊ីជាមួយ ក្រុមហ៊ុន Huawei ដដែល ដើម្បីកាត់បន្ថយភាពតានតឹង ។ ប៉ុន្តែពេលនេះ ក្រុមហ៊ុន ហួវាយទើបជាអ្នកសម្រេចរឿងនោះ វិញម្តង ។

បច្ចុប្បន្ន ក្រុមហ៊ុន​Huawei ​បានបង្កើតគំរោងប្រប្រាស់ប្រព័ន្ធប្រតិបត្តិការផ្ទាល់ខ្លួន ​​Hongmeng OS ​ក្រោយពេល អាមេរិក ហាមក្រុមហ៊ុននេះប្រើប្រាស់ Android ​របស់​Google ។

នៅពេលនេះក្រុមហ៊ុនអាមេរិក Google ដែលជាម្ចាស់នៃប្រព័ន្ធដំណើការ Android អាចបន្តការរកស៊ី ជាមួយក្រុមហ៊ុនយក្សចិន Huawei ដដែល ក្រោយពីប្រធានាធិបតីអាមេរិកលោក ដូណាល់ ត្រាំ បានប្រកាស នៅទីក្រុងអូសាកា នៃប្រទេសជប៉ុន ។

ទោះបីជាបែបនេះក្តី ការសម្រេចចិត្តគឺត្រូវរង់ចាំ Huawei ជាអ្នកសម្រេចវិញថា តើក្រុមហ៊ុននេះចង់បន្តគំរោង ប្រើប្រាស់ប្រព័ន្ធប្រតិបត្តិការផ្ទាល់ខ្លួន Hongmeng OS និង Ark OS ឬក៏ចង់បន្តជាវសេវាកម្មពី Google ដដែល ។ ប៉ុន្តែបើតាមអ្វីដែលគេចាំមិនភ្លេចទេនោះ ក្រុមហ៊ុន Huawei ធ្លាប់បញ្ជាក់ជាច្រើនដងរួចមកហើយ ខ្លួនបានស្វែងយល់អំពីផលលំបាក នៃក្រុមហ៊ុនជាមិត្តទាំងអស់នៅអាមេរិកដែលត្រូវបានបង្ខំចិត្តឲ្យផ្តាច់ទំនាក់ទំនង ជាមួយ Huawei ប៉ុន្តែក្រុមហ៊ុនចិនមួយនេះនៅតែចង់បានប្រព័ន្ធប្រតិបត្តិការ Android និង Windows ជាអាទិភាព ដើម្បីបំពេញតម្រូវការដល់អថិជនសកល ជាពិសេសនៅទ្វីបអឺរ៉ុប អាមេរិកឡាទីន និងអាស៊ីដែលជាទីផ្សារធំៗ របស់ខ្លួននៅក្រៅប្រទេស ដែលស្រឡាញ់ Android និង Windows ។

គួរបញ្ជាក់ថា ភ្លាមៗបែបនេះគេនៅមិនទាន់ដឹងថា តើក្រុមហ៊ុន Huawei នឹងអាចមានការ សម្រេចចិត្តថ្មីទៀតនោះឡើយ ប៉ុន្តែអ្ន កវិភាគកន្លងមកធ្លាប់បានលើកឡើងថា ក្រុមហ៊ុន Huawei ទំនងជាអាចយក Hongmeng OS សម្រាប់អថិជននៅក្នុងប្រទេសចិន ដោយសម្រួលឲ្យមានប្រព័ន្ធអេកូឡូជិខលជិតស្និទ្ធជាមួយ Android ។ ដោយឡែក សម្រាប់ Ark OS ដែលត្រៀមសម្រាប់អថិជនអន្តរជាតិវិញ គឺជាអាចក្លាយជាជម្រើសវិញថា តើអថិជនបរទេសនោះចង់បាន Android ឬ Ark OS សម្រាប់ទូរស័ព្ទ Huawei របស់ពួកគេ ។

សម្រាប់ព័ត៌មានលម្អិត និងផលិតផលថ្មីៗរបស់ Huawei នឹងត្រូវរង់ចាំរហូតដល់កំឡុងខែកញ្ញា ឆ្នាំ២០១៩ ខាងមុខ ដែលជាពេលក្រុមហ៊ុនចិននេះ គ្រោង និងបញ្ចេញ Huawei Mate 30 series និង Huawei Mate X (ទូរស័ព្ទបត់អេក្រង់ដំបូង) ហើយក្រុមហ៊ុនបានប្រកាសរួចទៅហើយថា ស៊េរីថ្មីៗទាំងពីរនឹងដំណើរការដោយ ប្រព័ន្ធ ដំណើរការ Android ចុងក្រោយ (Q) ។ បន្ថែមពីនេះទូរស័ព្ទស៊េរី Mate 20, P 30 ព្រមទាំង Honor និង Nova ស៊េរីខ្ពស់ៗផ្សេងទៀត ក៏នឹងទទួលបានការ Update ទៅ Android Pie ផងដែរ៕

Check Also

ប្រធាន​រតនាគារ​ខេត្តឧត្ដរមានជ័យ តូច គ​ន្ធា ភ័យកំពុងខំប្រឹង​បិទបាំង​រឿងអាស្រូវ​ខ្លួន​ ប្រព្រិត្តិអំពើពុករលួយ រហូតសល់លុយច្រើនអោយមន្ត្រីម្នាក់ដែលជាស្រីស្នេហ៏ សង់វិឡារស់នៅយ៉ាងសុខស្រួល

ឧត្ដរមានជ័យ៖ប្រភពពី​មន្ត្រីរាជការ​នៅក្នុង​មន្ទីរ​រតនាគារ​ខត្ត​ឧត្ដរមានជ័យ បាន​ឲ្យ​ដឹងថា ក្រោយពេល​រឿងអាស្រូវ​ពុករលួយ​និង​រឿងអាស្រូវ​ផ្ទាល់ខ្លួន​របស់លោក តូច គ​ន្ធា ត្រូវបាន​បើក​កកាយ​ជា​បន្តបន្ទាប់ គឺ​លោក តូច គ​ន្ធា ខំប្រឹង​ប្រើ​គ្រប់​វិធី​ ដើម្បី​បិទបាំងដោយ​គ្មាន​សេចក្ដី​អៀនខ្មាស​បន្តិច​ណា​ឡើយ​។ ហើយទោះជា​យ៉ាងណា​លោក តូច គ​ន្ធា មិនអាច​បិទបាំង​អំពើពុករលួយ​ និង​រឿងអាស្រូវ​របស់ខ្លួន​បានទេ …

Leave a Reply

Your email address will not be published. Required fields are marked *